Address Construction

Քո առաջին հասցեն

Մեր նախագիծը

Ընդհանուր տեղեկություններ:

Երևան քաղաքի Քանաքեռ –Զեյթուն վարչական շրջանի Կարապետ Ուլնեցու 45/1 հասցեում կառուցվող նոր շենքն ունի երկու ստորգետնյա և տասնհինգ վերգետնյա հարկեր:
Շենքի ստորգետնյա հարկերը ծառայում են որպես ավտոկայանատեղի, որը թույլ է տալիս կայանել 38 ավտոմեքենա:
Վերգետնյա առաջին երեք հարկերը նախատեսված են հասարակական օգտագործման համար, իսկ տասներկուսը բնակելի են:
Շենքի բարձր սեյսմակայունությունը ապահովում է երկաթբետոնե հիմնակմախքը։ Կառույցն ունի հետաքրքիր դիզայն, շենքի պատերը երեսապատված են տրավերտինով, իսկ աստիճանավանդակը և մուտքերը՝ բարձրորակ սալիկներով: Ատիճանավանդակը չծխապատվող է, որը նախատեսված է հրդեհի ժամանակ մարդկանց տարահանման համար։

Շենքն ունի չորս մուտք՝ երկու մուտք դեպի բնակարաններ բակի կողմից և երկու մուտք դեպի հասարակական տարածքներ՝ Դ. Անհաղթ փողոցի կողմից։ Շենքն ապահովված է չորս վերելակներով:

Բնակարանները շահագործման հանձնելիս կունենան.
• բնակարանի մուտքի երկաթյա դուռ
• հատակի ցեմենտային երեսսվաղ
• նախագծային հատակագծով միջնապատերի շար ,գաջապատում
• ուղղահայաց կոմունիկացիոն խողովակներ /ջուր,գազ կոյուղի/
• արտաքին թերմոալյումինե պատուհաններ և դռներ:

Մեր առավելությունները

Այս բարձրահարկ բազմաֆունկցիոնալ շենքի հիմնական առանձնահատկությունները հետևյալն են՝

Շենքի բարենպաստ կողմնորոշում ըստ գլխավոր հատակագծի (կախված շենքի դիրքից՝ լուծված է յուրաքանչյուր բնակարանի արևային ինսոլյացիայի խնդիրը):

Հասարակական և բնակելի հատվածամասերի առանձին մուտքեր:

Ըստ նորմերի բնակելի հարկերում չծխապատվող աստիճանավանդակներ, մարդատար և բեռնատար վերելակներ:

Բնակելի յուրաքանչյուր հարկաբաժին ունի 1 – 4 սենյականոց 8 կամ 9 բնակարան, որոնց մակերեսները և ներքին կազմի լուծումները տարբերվում են միմյանցից, ինչն էլ կբավարարի տարատեսակ կազմ և պահանջներ ունեցող պատվիրատուներ:

Բնակարանների հատակագծային լուծումները ճկուն են, ինչն էլ թույլ կտա ստանալ առավել մեծ բնակարաններ՝ կախված տվյալ պատվիրատուի ցանկությունից:

Յուրաքանչյուր բնակարանի սենքերի հիմնական կազմը հետևյալն է՝ նախամուտք, միջանցք/նախասրահ/, խոհանոց, հյուրասենյակ, ննջարան/ներ/, սանհանգույց/ներ/։ Յուրաքանչյուր բնակարան ունի բաց պատշգամբ/ներ/:

Դեպի Դ. Անհաղթի փողոցին նայող բնակարաններից բացվում են գեղեցիկ տեսարաններ դեպի Արարատ լեռը, «Մայր Հայաստան» հուշարձանը, Արաբկիր վարչական շրջանի նորակառույց եկեղեցին, նաև՝ մեծ տեսադաշտ դեպի ողջ Երևան քաղաքը:

Շենքի ճարտարապետական նոր ու հետաքրքիր ծավալային լուծումներ:

Շենքը ապահովված է ժամանակակից օպտիկամանրաթելային կապով,անհատական ջրամատակարարման և ջրահեռացման համակարգով,անհատական էլեկտրասնուցմամբ, գազաֆիկացված է:

Շենքի ներքին և արտաքին մուտքերում առկա է թեքահարթակներ: